11.Desember.2005. Haaaalllllooooo

Hæ hæ
Sorry hvað ég er ekki búin að skrifa lengi en ég er búin að eyða allri vikunni í að skrifa þessa helvítis ritgerð mína. Svo áttum við að skila henni síðasta miðvikudag en þar sem öllum gekk virkilega illa með að skrifa þessa ritgerð þá fengum við frest fram á föstudag. Ég verð að segja að ég hef aldrei átt í svona miklum erfiðleikum með að skrifa eina ritgerð. Þetta er búin að vera hörmungar vika að sitja yfir þessu, en sem betur fer er það búið. Núna er bara eitt stutt verkefni eftir, sem felst í því að við mætum öll á rannsóknar stofuna á mánudaginn og eyðum öllum deginum þar í að leggja út beinagrindur og greina þær. Þ.e.a.s. kyn, aldur, þjóðerni, hæð og sjáanlega áverka. Svo þurfum við að skila inn skýrslu um það á fimmtudaginn. Svo kem ég heim á föstudaginn

Þar síðasta miðvikudag fórum við nokkur úr bekknum saman til Lifralaugar (Liverpool) eins og vinkona mín kallar það . Bókasafnið okkar hérna er nefnilega með mjög lítið af bókum og greinum í réttarmannfræði. Þannig að við fórum sem sagt öll á bókasafnið í Liverpool. Að vísu þegar að við komum þangað þá var enginn af okkur að nenna því að fara á bókasafnið heldur vildum við öll bara fara á pöbbinn í staðinn. En góða samviskan vann á endanum og við fórum því öll á bókasafnið. Svo þegar allir voru búnir að finna sitt, þá fórum við á pöbbinn. Þetta var mjög skemmtileg ferð og við náðum að kynnast mun betur og urðum alveg mjög góðir vinir eftir þessa ferð. Ákváðum það að fara að hanga meira saman utan skólans.
Ég var ekkert smá heppin í óheppninni á miðvikudaginn. Þegar ég og Lula vorum næstum því alveg komnar á lestarstöðina þá brotnar hællinn undan skónum mínum. Ég gat ekki farið heim að skipta og ekki gat ég labbað um á brotnum hæl heilan dag í liverpool þannig að í miðju panikinu yfir því hvað ég ætti að gera, rak ég augun í ódýra skóbúð. Þannig að við hlupum þangað inn á og 3 mín náði ég að versla mér alveg geggjaða skó á 30 pund. Þannig að ég eyddi deginum í Liverpool í nýjum og fínum skóm
Alla veganna eftir það er ekkert mikið búið að gerast. Það var ekki fyrr en í gær, þegar að ég skilaði af mér ritgerðinni þá fór ég svo niður í bæ að sækja Rakel vinkonu mína. Hún nefnilega kom til Liverpool í viku að hitta kennarann sinn og ákvað svo að eyða helginni hjá mér. Þannig að ég fór sem sagt á föstudaginn að sækja hana niður í bæ og svo fórum við beint á pöbbinn því stelpurnar úr bekknum voru þar. Við sátum þar í einhverja 2 tíma og fórum svo heim. Ég var frekar þreytt, enda hafði ég sofið sama sem ekki neitt því ég hafði verið að klára ritgerðina. Þannig að við ætluðum fyrst bara að vera heima um kvöldið en ákváðum svo að kíkja út í smá stund. Það var mjög fínt.
En dagurinn í dag var hins vegar ekki svo fínn. Ég var með þynnku dauðans allan daginn og svo um kvöldið var haldið risa partý heima. Því Julien á afmæli 17 des en það verða meira og minna allir farnir þá þannig að hann ákvað að halda partýið í dag. Ég var enn hálf þunn þegar að partýið var að byrja og var satt að segja ekki í neinu partý skapi. Ég og Rakel sátum frammi að spjalla við Lulu og eina aðra stelpu úr bekknum mínum, en þegar þær fóru heim ákváðum ég og Rakel að rölta og fá okkur eitthvað að borða. Komum með matinn heim og sátum svo það sem eftir var af partýinu inn í herbergi hjá mér að horfa á ástarfleyið á vefTV
Núna eru allir farnir að sofa og ég er orðin virkilega þreytt, en ég varð að skrifa alla veganna eitthvað smá svo að ég verði ekki skömmuð meir á blogginu
En jamm ég er sem sagt farin að sofa
Heyrumst og sjáumst eftir 6 daga

Alex